صف العطل بجملة أو صورة — «البريزة ترمي شرارة» أو «المكيّف ما عاد يبرّد» — وخذ تقدير سعر عادل بالذكاء الاصطناعي في أقل من 30 ثانية. بعدها أسطوات وثّقناهم يدوياً، واحد واحد، يقدمون عروضهم على شغلك. لا مبالغة في الأسعار، ولا حد يبيعك اللي ما تحتاجهش.
من «المكيّف يقطر ماء» إلى أسطى موثوق على باب حوشك — بأبسط طريقة ممكنة.
اكتبه بجملة أو صوّره — «بريزة المطبخ ترمي شرارة». إحنا نعرفوا شن الصنعة اللي تحتاجها.
الذكاء الاصطناعي يعطيك نطاق سعر واقعي بالدينار — 90–160 د.ل مثلاً، مش «اطلب عرض سعر». بدون تشخيص للعطل، نطاق السعر العادل فقط.
عروض من أسطوات وثّقناهم يدوياً: بطاقة هوية + صور أعمال + تزكيات. انت تختار، والدفع كاش عند الإنجاز.
من شيشمة تقطر إلى تشطيب كامل. في كل صنعة أسطوات وثّقناهم يدوياً، بأعمالهم وتزكياتهم.
افتح الخريطة، شوف مين قريب منك، وتواصل معاه — بدون ما تشارك رقمك مع أي حد.
الكهربائي، السبّاك، السوّاق، الحدّاد — كل واحد دبّوس بلون مهنته على خريطة مدينتك. اضغط «وريني الأقرب ليّ» وتشوف مين جنبك بالضبط.
تنقر على الدبّوس، يفتح بروفايل الأسطى بتقييماته وأعماله. أسطى في حومتك معناها يوصلك توّا — مش بعد يومين. ومنها جا الاسم.
التواصل كله داخل توّا: تتفاهموا في دردشة الموقع، وحتى بعد الاتفاق إنتِ اللي تقرري — تكمّلي في الدردشة ولا تفتحي واتساب. رقم هاتفك ما يوصل لحد إلا برضاك.
في كل مكان آخر، توصف العطل وتستنى في عروض الأسعار على البركة. إحنا نعكسوا الترتيب: قبل ما يوصلك أي عرض، الذكاء الاصطناعي يوريك نطاق السعر العادل لنفس الشغل، استناداً لأسعار السوق في مدينتك.
الذكاء الاصطناعي ما يشخّصش العطل وما يعطيكش رقم سحري — يعطيك نطاق السعر العادل فقط. لو جاك عرض بضعف السعر، بتعرف. ولو جاك عرض عادل، بتعرف زادة.
شوف مثال للتقدير«الكهرباء في الصالة قطعت والبريزة بدت تسخّن. صوّرت المشكلة وجاني نطاق السعر قبل أي عرض. الأسطى اللي اخترته خدم نظيف، وخذ نفس اللي قاله التطبيق — لا زيادة ولا مفاجآت.»
«قبل الصيف كنت نبي نصلّح مكيّفين. عرفت السعر العادل من البداية، فما حدش قدر يبالغ عليّ في السعر. جا الأسطى في وقته، وخلص الشغل في نفس اليوم.»
«دهان شقة كاملة قبل مناسبة عائلية. جاتني ثلاثة عروض كلها داخل النطاق، واخترت على صور الأعمال والتزكيات. النتيجة طلعت أحسن من اللي توقعتها.»
* أمثلة توضيحية لتجربة الاستخدام — بنعرضوا تقييمات حقيقية بعد الإطلاق.
بدون عمولة على كل طلب، وبدون مزادات تنزّل في سعرك. سجّل مجاناً، نوثّقك يدوياً، والشغل يجيك مباشرة من ناس في منطقتك يشوفوا أعمالك وتقييماتك — والفلوس ليك كاش عند الإنجاز.
سجّل كأسطىتوّا جزء من منظومة خدمات ليبية متكاملة — كل ما تحتاجه بيتك وسيارتك، عند شركائنا.
بدون بنود مخفية. لو ما لقيتش إجابتك هنا، كلمنا على واتساب وبيردّ عليك إنسان حقيقي.